Thursday, January 08, 2009

ஜனநாயம் இன்னும் சாகவில்லை

ஆம். இன்று ஒருமுறை அது நிரூபணம் ஆனது. ஜார்கண்ட் மாநிலத்தின் தற்போதைய முதல்வர் சிபு சோரன் இடைக்கால தேர்தலில் படுதோல்வி அடைந்துள்ளது இதற்கு சான்று. ஒரு ஆளுங்கட்சி அதுவும் முதல்வர் போட்டியிட்டாலே வெற்றி என்ற வெட்டிப்பேச்சுக்களுக்கு வேட்டு வைத்த மக்கள் தங்களுக்கு என்ன வேண்டும் என்பதில் திண்ணமாக இருக்கிறார்கள் என்பது விளங்குகிறது. பல வழ்க்குகளில் குற்றம் சாட்டப்பட்ட பின்னரும் காங்கிரஸ் அரசியல் ஆதாயம் காரணமாக ஆதரவு அளித்து சோரனை முதல்வர் ஆக்கியது என்பது குறிப்பிடத்தக்கது.

ஏன் இந்த அரசியல் கட்சிகள் கறை படிந்த கைகளுக்கும், தவறு செய்து தண்டனை பெற்றவர்களுக்கும் இன்னமும் துணை போய் தங்களின் கீழ்த்தரமான போக்கை கைவிடாமல் இருக்கின்றவோ?

இன்னொரு செய்தி என்னை பாதித்தது. ஆயுதம் வீட்டில் வைத்திருந்ததாகவும், தீவிரவாதிக்களுக்கு உடந்தையாக இருந்ததாகவும் குற்றம் சாட்டப்பட்டு ஜெயில் தண்டனையும் பெற்ற சஞ்சய் தத்திற்க்கு உ.பி. நாடளுமன்ற தேர்தலில் சீட் தர சமாஜ்வாதி கட்சி முன்வந்துள்ளது என்பது தான் அந்த செய்தி. ஏன் இப்படி நாட்டை தகுதியற்றவர்கள் கையில் ஒப்படைக்கின்றவோ இந்த மூன்றாம் தர கட்சிகள்?

தரமில்லாத வேட்பாளர்களையெல்லாம் தோற்கடிக்கச் செய்து ஜனநாயம் இன்னும் சாகவில்லை என்பதை மேலும் மேலும் நிலைநாட்டவேண்டிய கடமை நம்மை போன்ற பொதுமக்களிடம் தான் உள்ளது.