Tuesday, April 10, 2012

சமீபத்தில் படித்து பிடித்துபோன திருக்குறள் – நட்பை பற்றியது

இரு தினங்களுக்குமுன் முதன்முறையாக ஒரு திருக்குறளை படித்தேன் – படித்த மாத்திரத்தில் பிடித்துப்போனது. அது நட்பைப் பற்றி எளிதாக இயல்பாக விளக்கியது. இதை ஆண் – பெண் இருபாலரின் நட்புக்கும், திருமணத்திற்குப்பின் கணவன் – மனைவியிடையே கண்டிப்பாக இருக்கவேண்டிய நட்பு முறைக்கும் விளக்கமாக கொள்ளலாம். இதை படிக்கும் போது கோப்பெருஞ்சோழன் – பிசிராந்தையாரின் நட்பு கதை கண் முன் நிழலாடுவதை தவிர்க்கமுடியவில்லை.

பொருட்பால் - நட்பியல் - நட்பு

குறள் 785:

புணர்ச்சி பழகுதல் வேண்டா உணர்ச்சிதான்
நட்பாங் கிழமை தரும்.
கலைஞர் உரை:
இருவருக்கிடையே நட்புரிமை முகிழ்ப்பதற்கு ஏற்கனவே தொடர்பும் பழக்கமும் வேண்டுமென்பதில்லை. இருவரின் ஒத்த மன உணர்வே போதுமானது.
மு.வ உரை:
நட்புச் செய்வதற்குத் தொடர்பும் பழக்கமும் வேண்டியதில்லை, ஒத்த உணர்ச்சியே நட்பு ஏற்படுத்துவதற்கு வேண்டிய உரிமையைக் கொடுக்கும்.
சாலமன் பாப்பையா உரை:
ஒருவனோடு ஒருவன் நட்புக் கொள்வதற்கு அருகருகே இருப்பதோ, நெருங்கிப் பழகுவதோ வேண்டியதில்ல. இருவரது எண்ணமும் ஒத்திருந்தால் அதுவே நட்பு என்னும் தோழமையைக் கொடுக்கும்.
Translation:
Not association constant, not affection's token bind;
'Tis the unison of feeling friends unites of kindred mind.
Explanation:
Living together and holding frequent intercourse are not necessary (for friendship); (mutual) understanding can alone create a claim for it.

நன்றி - http://www.thirukkural.com/

No comments:

Post a Comment