Monday, April 09, 2012

NHM Writer – தன்னிகரில்லா தமிழ் வழி தட்டச்சு மென்பொருள்!

தமிழில் எழுதும் ஒவ்வொரு கணிப்பொறி வலைப்பூ எழுத்தாளரும் தங்களின் தேவைக்கு எதாவது ஒரு மென்பொருளை தன் கைப்பொருளாகக் கொண்டு அதில் தட்டச்சு செய்வர். சமீப காலமாக பல தட்டச்சு மென்பொருட்கள் வந்தாலும் என் மனம் என்னவோ NHM Writer மூலமாக தட்டச்சு செய்வதையே கடந்த மூன்று ஆண்டுகளாக நாடுகிறது. இதற்கு அந்த மென்பொருளின் சில சிறப்பு அம்சங்களே காரணம்:

1. பேச்சு வழி தட்டச்சு (phonetic keyboard) முறை எளிதாக கிடைக்கிறது. Google translate பயன்படுத்தும்போது அவை வரிசை படுத்தும் ஒன்றுக்கும் மேற்பட்ட பிரயோகங்களில் இருந்து தேர்ந்தெடுப்பதே ஒரு பெரிய வேலை.

2. துரித தட்டச்சு இயக்கம் hotkey மூலம் வெகுவாக இயக்க முடியும். ஆங்கிலத்தில் தட்டச்சு செய்ய Alt +0 என்றும் பேச்சு வழி தட்டச்சுக்கு உடனே மாற Alt + 2 பொத்தான்களை இயக்கினாலே போதும்.

3. இந்த மென்பொருள் தனக்கென ஒரு Editor ஐ உள்ளடக்கியது இல்லை. எந்த Editor ல் இருக்கிறீர்களோ அதையே உபயோகித்துக் கொள்ளும். உதாரணமாக – WinWord, Notepad, FireFox text box controls என எதில் இதை இயக்கினாலும் தமிழில் உடனே தட்டச்சு செய்யலாம். முக்கியமாக வலைப்பூ தொடுக்கும் போது மிகவும் உபயோகமாக இருக்கிறது.

4. அனைத்து Web Browser களிலும் இதை இயக்க முடிவதால் facebook, mail, forums என எதிலும் தமிழை பயன்படுத்த முடிவது எனக்கு பிடித்துப் போக இன்னொரு காரணம்.

 

உங்களுக்கு வேண்டுமெனில் இங்கே சொடுக்கி இந்த மென்பொருளை தரவிறக்கம் செய்து கொள்ளலாம்.

No comments:

Post a Comment