Friday, August 31, 2012

சிந்தனைகள் - சிதறியபோது

இன்றைய அரசியல் சூழுலில் பொய்யாப் புலவரின் பின்பற்ற முடியாத அறிவுரைகளில் முதலிடம் பிடிப்பது இதுவாகத் தான் இருக்கும் -

”எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு.”

யார் சொல்கிறார்களோ அவர்களின் யோக்கிதையை குறை கூறுகிறார்களே ஒழிய சொல்லிய விஷயத்தை ஒரு இம்மி அளவுகூட காதில் வாங்குவதாக தெரியவில்லை.

 

நாட்டில் நோய் தொற்று, வறுமை கூட மெதுவாகத்தான் பரவி மனிதனை கொல்கின்றன ஆனால் இந்த வதந்தி மட்டும் தீயை விட வேகமாக பரவி - நோயைவிட அதிகமாகக் கொல்லும் தன்மை உடையது. மூன்றாம் உலகப் போருக்கு அணு ஆயுதம் காரணமாக இருக்குமே இல்லையோ ஆனால் வதந்திகளும் அதனால் ஏற்படும் அச்சமும் நிச்சயமாக காரணியாக இருக்கும் என்றே தோன்றுகிறது.

முன்பு குறிப்பிட்டது போல - இன்றைய நிறுத்தி நிதானமாக விசாரிக்கும் சூழல் இல்லாத உலகில் பொய்த்து போய் நிற்பது பொய்யாப் புலவரின் “எப்பொருள் யார் யார் வாய்க் கேட்பினும்..” என்ற குறள் தான்.

No comments:

Post a Comment